სოციალურ ქსელში ირანის საპროტესტო აქციებიდან ახალი ვიდეოები ვრცელდება. ერთ-ერთ ვიდეოში ჩანს, რომ სკოლის მოსწავლეები მილიტარიზებული დაჯგუფება ბასიჯის სპიკერს უყვირიან. მოსწავლეები თავსაბურავებს ჰაერში იქნევენ და უყვირიან "წადი, ბასიჯი" კაცს, რომელსაც მათთვის უნდა მიემართა.
ბასიჯი უსაფრთხოების ძალებს ეხმარებოდა პროტესტის ჩახშობაში, რომელიც დაკავებული ახალგაზრდა ქალის გარდაცვალებით არის გამოწვეული.
სხვა კადრებში, რომელიც ინტერნეტით გავრცელდა, ჩანს კაცი, რომელიც ყვირის "სიკვდილი დიქტატორს". გოგოების სხვა ჯგუფი კი მოხსნილი თავსაბურავებით ქუჩაში "თავისუფლება, თავისუფლებას" სკანდირებს, ასაკოვანი ქალი კი მათ ტაშს უკრავს.
Women and in recent days teenage girls have been at forefront of #IranProtests2022. In this video while schoolgirls are waving their hijabs in air chanting "freedom, freedom", an older woman -apparently one of their mothers- join in clapping. #مهسا_امینی pic.twitter.com/wxQQ2LtYWL
ირანის განათლების მინისტრმა სკოლებსა და უნივერსიტეტებზე თავდასხმაში "მტერი" დაადანაშაულა. ამავე დროს, გენერალურმა პროკურორმა თქვა, რომ ხელისუფლება მზად უნდა იყოს, დაუპირისპირდეს ახალგაზრდა ირანელების პროტესტს, რომლებიც, მისი თქმით, ინტერნეტთან კონტაქტის გამო "ხაფანგში" მოხვდნენ.
ინტერნეტში გავრცელებულ კიდევ ერთ ვიდეოში ჩანს, რომ გოგოები ყვირილით გარბიან კაცისგან, სავარაუდოდ უსაფრთხოების ძალების თანამშრომლისგან, რომელიც ტროტუარზე მოტოციკლით გადაადგილდება.
Video shows schoolgirls running away in a panic while in the background motorbike engines roar with a man shouting “get lost”. Security forces use bikes to chase, beat protesters. Young schoolgirls been protesting across Iran. #مهسا_امینی pic.twitter.com/7VBA9HmMNr
ირანში საპროტესტო აქციები 22 წლის მაჰსა ამინის სიკვდილმა გამოიწვია. 13 სექტემბერს ქალი ჰიჯაბის "არასწორად ტარებისთვის" მორალის პოლიციამ დააკავა, რამდენიმე საათში ის საავადმყოფოში კომატოზურ მდგომარეობაში მოათავსეს, სამ დღეში კი გარდაიცვალა. უფლებადამცველები და ოჯახის წევრები ამბობენ, რომ ქალი პოლიციამ დაკავებისას სასტიკად სცემა.
საპროტესტო აქციები ირანის ჩრდილო-დასავლეთში დაიწყო და მალევე მოედო მთელ ქვეყანა. დემონსტრაციების სათავეში ახალგაზრდა ქალები არიან, რომლებიც პროტესტის ნიშნად თავსაბურავებს იხსნიან და თმას იჭრიან. ირანელი ქალების ბრძოლის მხარდამჭერი აქციები სხვადასხვა ქვეყანაში იმართება.
ირანის ხელისუფლება ახალგაზრდა ქალის სიკვდილთან რაიმე კავშირს უარყოფს და აცხადებს, რომ მას "გულის პრობლემები" ჰქონდა. ირანის უსაფრთხოების ძალები პროტესტის ჩახშობას ცდილობენ და დემონსტრანტებს არბევენ. ქვეყანაში ინტერნეტთან წვდომა შეზღუდულია, ხოლო დასავლურ მედიებს ადგილზე მუშაობა შეზღუდული აქვთ. ვრცელდებოდა ვიდეოები, სადაც ჩანდა, რომ პოლიცია დემონსტრანტების წინააღმდეგ ცეცხლსასროლ იარაღს იყენებდა.
დახურვა